Real Madridi ka fituar me përmbysje spektakolare ndaj Valencias.
Ishte Valencia ajo që kaloi e para në epërsi me anë të Duros që shënoi në minutën e 27-të.
Përkundër tentimeve të Realit, pjesa e parë u mbyll me rezultat 1-0 në favor të Valenicas, teksa në pjesën e dytë , Bellingham humbi shansin e artë për ta barazuar rezultatin, pasi dështoi nga penalltia.
Pesë minuta më vonë, Mbappe shënoi për Realin, por që goli u anulua për pozitë jashtë loje.
E, drama erdhi krejt në fund ku Reali mbeti pa Viniciusin që nga minuta e 80-të, pasi u ndëshkua me karton të kuq, ndërsa pesë minuta më vonë, Modriq barazoi shifrat në 1-1, për herë të parë në mënyrë të rregullt në këtë ndeshje.
Bellinghami e përmirësoi gabimin e tij pasi në “frymën e fundit” shënoi golin e fitores për 1-2.
