Kombëtarja e Kosovës ka pësuar humbje të hidhur sonte në Volos të Greqisë.
Në “Panthessaliko Stadium”, “Dardanët” ishin sonte mysafirë të Greqisë.
Ndeshja e vlefshme për grupin 2 të Ligës C të Kombeve i takoi helenëve 1:0.
Me këtë fitore, Greqia është lidere e grupit me 12 pikë, kurse Kosova zë vendin e dytë me gjashtë sosh.
Irlanda e Veriut dhe Qipro, nga ana tjetër, zënë vendet e fundit me nga dy pikë.
Ndryshe, Kosova e mbyll muajin qershor me dy fitore dhe dy humbje në Ligën e Kombeve.
