Rreth 22% e qytetarëve me të drejtë vote kanë votuar deri në orën 15:00, sipas të dhënave të Komisionit Qendror të Zgjedhjeve, nga 97,88% e vendvotimeve të procesuara.
Rreth 7% më shumë kishin dalë deri në orën 15:00 në zgjedhjet paraprake parlamentare, më 28 dhjetor. Atëherë dalja deri në orën 15:00 ishte 28.70%, bazuar në procesimin e 97.34 për qind të të dhënave.
Krahasuar me zgjedhjet e parlamentare të 9 shkurtit të vitit të kaluar, dalja ishte pothuajse e njëjtë si në dhjetor, pasi atëherë deri në 15:00 kishin votuar 28.65 për qind – gjithashtu rreth 7% më pak se në këto zgjedhje.
Kosova po mban sërish zgjedhje, të tretat brenda rreth një viti e gjysmë. Këtë herë, vendi shkoi në zgjedhje për shkak të moszgjedhjes së Presidentit.
