Kanë arritur në Aeroportin Nënë Tereza, 20 mijë doza të vaksinës AstraZeneca, dhuratë e qeverisë së Greqisë për Shqipërinë. Vaksinat u pritën në aeroport nga zëvendës ministrja e Shëndetësisë Eugena Tomini dhe ambasadorja e Greqisë Sofia Philippidou.
Duke i shprehur mirënjohjen Greqisë për mbështetjen, qeveria shqiptare shprehi angazhimin për të vazhduar pa u ndalur me planin e vaksinimit për mbrojtjen e jetës së çdo qytetari.
Deri tani në Shqipëri kanë arritur 956,250 doza të vaksinës antiCovid dhe janë kryer në total 836,430 doza, prej tyre 332,173 qytetarë i kanë marrë të dyja dozat e vaksinës ndaj COVID-19, shkruan tvklan.
