Solli në Shqipëri valixhe me drogë nga Tajlanda, arrestohet 39-vjeçari

Solli në Shqipëri valixhe me drogë nga Tajlanda, arrestohet 39-vjeçari

Autoritetet shqiptare kanë njoftuar se një 39-vjeçar është arrestuar në aeroportin e Rinasit, teksa tentoi të fuste në Shqipëri një valixhe me drogë.

39-vjeçari, banues në fshatin Kras të Tepelenës, kishte fshehur në valixhe 19.4 kg Kanabis me përqindje të lartë THC. Gjithashtu raportohe se 39-vjeçari vinte nga Tajlanda dhe synonte shitjen e droges në Shqipëri. Ndërkohë, materialet procedurale iu referuan Prokurorisë së Tiranës, për veprime të mëtejshme.

“Pas informacioneve të siguruara nga Drejtoria për Hetimin e Narkotikëve në Departamentin e Policisë Kriminale në Policinë e Shtetit dhe regjistrimit të procedimit penal në Prokurorinë e Tiranës, Seksioni për Hetimin e Narkotikëve i DVP Tiranë në bashkëpunim me Komisariatin e Policisë Rinas, dhe nën drejtimin e Prokurorisë së Tiranës, në kuadër të këtij procedimi proaktiv, finalizoi operacionin policor antidrogë të koduar “Pako 6”.”

39-vjeçari që udhëtonte nga Tajlanda në Shqipëri, kishte me vete një valixhe me 19 kg e 400 g lëndë narkotike Cannabis Sativa me përqindje të lartë THC, e cila iu sekuestrua me cilësinë e provës materiale. Vijojnë hetime të thelluara për të identifikuar dhe nxjerrë përpara përgjegjësisë penale, shtetas të tjerë që mund të jenë implikuar në këtë rast. Materialet procedurale iu referuan Prokurorisë së Tiranës, për veprime të mëtejshme.

Related Articles