Në Qendrën e Numërimit dhe Rezultateve (QNR), sot do të filloj procesi i numërimit të votave me kusht dhe personave me nevoja të veçanta për zgjedhjet lokale që u mbajtën më 17 tetor 2021.
Kështu bëri të ditur për Gazetën “Enigma”, zëdhënësi i Komisionit Qendror të Zgjedhjeve, Valmir Elezi.
Ai bëri të ditur se numërimi i votave do të nisë në ora 11:00.
Ndryshe,QNR ka përfunduar numërimi i votave jashtë Kosovës, të cilat janë dërguar përmes postës në adresë të KQZ-së gjatë periudhës 15 shtator – 15 tetor.
Nga numërimi i këtyre votave në 15 komuna kryesojnë kandidatët e LVV-së (Prishtinë, Prizren, Gjilan, Ferizaj, Gjakovë, Mitrovicë, Podujevë, Fushë Kosovë, Obiliq, Kamenicë, Shtime, Drenas, Malishevë, Vushtrri, Kaçanik).
Në 7 komuna më shumë vota nga diaspora kanë kandidatët e LDK-së (Pejë, Istog, Dragash, Junik, Suharekë, Lipjan, Novobërdë).
Në 3 komuna prijnë kandidatët e PDK-së (Viti, Skenderaj, Hani i Elezit), ngjashëm sikurse kandidatët e AAK-së të cilët janë të parët në 3 komuna (Rahovec, Deçan, Klinë).
