Një grua dhe një fëmijë kanë mbetur të lënduar në Gjilan, pasi mbi ta kanë rënë skelet e një ndërtese që ishte duke u rregulluar.
Ushtruesi i Drejtorit në Spitalin e Gjilanit, Arsim Emini ka thënë se edhe nëna edhe fëmija janë në gjendje të mirë shëndetësore.
“Gruaja është në emergjencë në Spitalin e Gjilanit, është lajmëruar me dhimbje të kokës dhe të trupit për shkak të shtypjeve pas së rënies së skeleve”.
“Është duke u ekzaminuar dhe do të bëhen edhe ekzaminimet shtesë radiologjike, deri tani është e vetëdijshme dhe e orientuar”, tha Emini.
Emini mes tjerash tha se fëmija nuk ka marrë lëndime. /Gazeta Enigma.
