Një person është lënduar si pasojë e një zjarri që përfshiu një dhomë në stacionin policor të Pejës.
Këtë e ka konfirmuar zëdhënësi i policisë rajonale, Driton Rugova.
“Sot rreth orës 07:20, në Stacionin Policor në Pejë, është përfshirë nga zjarri një dhomë e ndalimit. Si pasojë e këtij rasti një person ka pësuar lëndime të lehta trupore. I njëjti është dërguar për tretman mjekësor, ndërsa zjarri është shuar nga njësia e zjarrëfiksëve”, thuhet në njoftimin e zëdhënësit Rugova. / Gazeta Enigma.
