Parisi edhe njëherë e kurorëzoi Leo Messin si futbollisti më i mirë në planet. Ylli argjentinas e fitoi Topin e shtatë të Artë në shtëpinë e tij të re, pas një lufte të ashpër me Robert Lewandowskin, që mbeti 33 pikë prapa.
Messi u tregua fer dhe nuk hezitoi ta pranonte se polaku e meritoi çmimin në vitin 2020, në kohën kur pandemia e paralizoi futbollin dhe bëri që ky çmim të mos jepej.
“Shpresoj që France Football do të ta jap ty Topin e Artë për vitin 2020, ne të gjithë pajtohemi se ti e ke merituar”, u shpreh Messi.
Lewandowski ishte më i mirë vetëm në shënimin e golave
E vërteta është se polaku ishte dominues absolut në shënimin e golave, duke shënuar 54, nga 41 të Messit dhe 35 të Benzemas. Kjo statistikë bëri që Lewandowski ta fitonte çmimin e sulmuesit më të mire të vitit.
Messi, lider në asiste, goditje në portë dhe pasime të sakta
Në pjesën tjetër të statistikave, Messi ka treguar edhe një here tjetër se është ende më i miri. 16 asiste nga 14 të Benzemas dhe 8 të polakut, 103 goditje në portë nga 98 të Lewandowskit dhe 87 të Benzemas dhe 2525 pasime të sakta nga 1589 të Benzemas dhe vetëm 715 të sulmuesit të Bayernit.
Kupa e Mbretit, golashënuesi në ligë dhe Copa America ia siguruan Messit Topin e shtatë të Artë
Një faktor tjetër që shikon juria gjatë votimit është performanca e skuadrave në të cilat luajnë pretendentët për topin e artë. Bilanci i dobët i Benzemas, në të cilin ai mbyll vitin 2021 vetëm me arritjen e Ligës së Kombeve me Francën, ka qenë përfundimtar. Lewandowski dhe Bayerni i tij nuk kanë pasur rival në Gjermani, por anija e mbytur si në Ligën e Kampionëve, e eliminuar në çerekfinale, ashtu edhe në Evropian, në fazën e grupeve, ka pakësuar mjaft mundësitë e polakut për të fituar Topin e tij të parë të Artë. Arritja e Kupës së Mbretit dhe mbi të gjitha roli i Messit në Argjentinë, kampion i Kupës së Amerikës,kanë dhënë fryte për të. ’10’ ishte golashënuesi më i mirë, asistenti më i mirë dhe lojtari më i mirë i turneut, përveç që arriti edhe një vit golashënuesi më i mirë në ligën spanjolle.
Messi ka shënuar tre gola në katër ndeshje të Ligës së Kampionëve
Paraqitjet e Messit me PSG-në kanë qenë argumenti kryesor i atyre që hezitojnë që argjentinasi fitoi Topin e tij të Artë të shtatë, por në përshtatje të plotë me skuadrën e tij të re pas më shumë se 15 vitesh duke veshur fanellën e ekipit të parë të Barçës, Messi ka katër gola (tre prej tyre në Champions League).
