Në komunën e Zveçanit, një veturë e Policisë së Kosovës raportohet se është penguar dhe sulmuar nga protestuesit me disa mjete të forta.
Rastin e ka konfirmuar zëdhënësi i Policisë, Baki Kelani, i cili tha se si pasojë e sulmit, veturës së policisë i është thyer xhami.
Kelani theksoi se nuk raportohet për të lënduar, teksa rasti është duke u hetuar.
“Mund të konfirmojmë se, një veturë policore e cila ka qenë me detyrë zyrtare duke patrulluar në drejtim të komunës së Zveqanit, është penguar dhe sulmuar me mjete te forta nga protestuesit. Si pasojë e sulmit me mjete të forta (gurë), veturës i është thyer xhami, e cila më pas është larguar nga ai lokacion. Nuk raportohet për të lënduar, përderisa rasti është duke u hetuar”, tha Kelani për ‘Klankosova.tv’.
