Mbrojtësi i Lille, Sven Botman thuhet se ka refuzuar një transferim te Newcastle dhe dëshiron të bashkohet me Milanin në janar.
21-vjeçari është objektivi kryesor i kuqezinjve për të zëvendësuar të dëmtuarin Simon Kjaer, i cili është përjashtuar për pjesën tjetër të sezon për shkak të një dëmtimi të rëndë në gju.
Newcastle gjithashtu është i interesuar për të siguruar shërbimet e tij, por sipas The Times, mbrojtësi holandez nuk është i gatshëm të bashkohet me Magpies dhe ka refuzuar një ofertë nga St. James’ Park.
Calciomercato.com raporton se Botman dëshiron të bashkohet me Milanin dhe bisedimet mes kuqezinjve dhe klubit francez janë në vazhdim.
Lille kërkon 30 milionë euro për mbrojtësin e tyre yll, por gjigantët e Serisë A nuk janë të gatshëm të ofrojnë aq shumë.
Paolo Maldini po përpiqet ta marrë lojtarin në një marrëveshje fillestare huazimi me një opsion ose detyrim për të blerë për një tarifë më të ulët se 30 milionë euro.
Është e njëjta formulë që kuqezinjtë përdorën për të nënshkruar me Fikayo Tomori nga Chelsea një vit më parë.
