Sekretari i Përgjithshëm i AAK-së, Besnik Tahiri në një konferencë për media ka thënë se kjo datë do të jetë historike për AAK-në.
Ai u shpreh se në komunat ku garojnë në balotazh kanë informacione pozitive nga atje.
“Në komunat ku ne garojmë kemi marr informacione se pasdite ka pasur një dalje më të mirë, nuk kemi pasur probleme të theksuara. Ajo që për ne është me rëndësi, është që ky proces të kaloj sa më mirë”.
“I ftojmë ata qytetarë që ende nuk kanë shfrytëzuar të drejtën e tyre, të dalin dhe ta ushtrojnë atë të drejtë. Për AAK jam i bindur që kjo datë ka me qenë historike për konfirmimin e fuqisë tonë politike në zgjedhjet lokale. Jemi në disponim dhe po e presim me bindje të thellë mbylljen e procesit”, tha Tahiri.
Kurse Muharrem Nitaj theksoi se gjatë ditës kanë pranuar informacione për disa incidente në komunën e Junikut, derisa ka apeluar që qytetarët të mos ndikohen nga këto. /Gazeta Enigma/
