Ambasadori i Francës Oliver Guerót k zbuluar se takimi ndërmjet Kryeministrit Kurti dhe Presidentit të Serbisë Aleksandar Vuçiq pritet të ndodhë në fillim të muajit shtator apo siç ka thënë ai vitit të ri shkollor.
Këtë ai e ka konfirmuar duke u përgjigjur në pyetjen e Express se cili është qëndrimi francez për një konferencë ndërkombëtare.
“Në këtë fazë, një takim i ri i nivelit të lartë ndërmjet BE-së, Kosovës dhe Serbisë duhet të organizohet në fillim të vitit shkollor, por i takon lehtësuesit evropian, z. Lajçak, të vlerësojë ritmin e duhur të bisedimeve. Ne kemi besim të plotë tek ai”, ka thënë Guerót.
Në takimin e radhës ndërmjet Kurtit e Vuçiq pritet të jetë në agjendë çështja e zbatimit të aneksit të Ohrit apo të sekuencimit sic po thuhet në gjuhen e bisedimeve të Brukselit. Pala kosovare e akuzuar Lajçakun se ka përgatitur dokument të njëanshëm për këtë çështje.
