Në Gjilan, një person është sulmuar fizikisht nga disa individë. Fillimisht, ai është dërguar në emergjencën e qytetit dhe më pas në QKUK në Prishtinë.
Policia ka klasifikuar ngjarjen si tentim vrasje. Në vendngjarje janë gjetur dhe sekuestruar një pistoletë me gjashtë fishekë, e cila nuk është përdorur, si dhe një shkop i druri i thyer, që dyshohet të jetë përdorur për të goditur viktimën, shkruan Gazeta Enigma.
“Gjilan 20.12.2024, 22:40. Është raportuar se është sulmuar fizikisht nga disa persona të dyshuar viktima mashkull kosovar. Në vendin e ngjarjes është gjetur dhe sekuestruar një armë pistoletë me gjashtë fishekë e cila nuk është përdorur, si dhe një shkop i drurit i thyer me të cilën dyshohet se është goditur viktima. Viktima është dërguar për tretman mjekësor në emergjencë Gjilan dhe më pas është dërguar në QKUK Prishtinë. Rasti nën hetime”, thuhet në raportin 24 orësh të policisë./GazetaEnigma/
