Policia e Kosovës ka dhënë detaje lidhur me një rast jo të zakonshëm.
Në Fushë Kosovë, një grua është parë në një video duke thyer disa vetura me çekan, të cilat sipas saj janë parkuar keq.
Lidhur me rastin ka folur edhe zëdhënësja e policisë për rajonin e Prishtinës, Flora Ahmeti, e cila ka thënë se me të pranuar informatën policia ka arrestuar të dyshuarën.
Ajo është dërguar për trajtim mjekësor në QKUK pasi ka pësuar lëndime, dhe ekzaminim psikiatrik.
“Rreth orës 10:00, kemi pranuar informatën për dëmtimin e tri automjeteve në rrugën Xhemajl Mustafa në Fushë Kosovë. Policia menjëherë ka arrestuar personin e dyshuar, e cila është dërguar në QKUK, për trajtim mjekësor ( është lënduar) dhe ekzaminim psikiatrik. Ndaj të dyshuarës B.M, femër është hap rast, për veprën penale Asgjësimi apo dëmtimi i pasurisë. Pas përfundimit të trajtimit mjekësor, do të kryhen procedurat e nevojshme hetimore në koordinim me prokurorinë”, tha më tutje Ahmeti. /Gazeta Enigma
