Trajneri i njohur kosovar, Bekim Isufi është vjedhur nga hajnat në Dhërmi në orën 04:00 të mëngjesit, raporton Gazeta Enigma.
Ish-trajneri i Dritës, kishte shkuar në Dhërmi me familje për t’i kaluar pushimet, por nuk i shkuan mirë ashtu siç e kishte planifikuar.
Isufi ka shkruar së është tmerruar së bashku me familjen e tij në orën 04:00 të mëngjesit nga hajnat.
Ai shkruan se pas kësaj ndodhie nuk e ka opsion Dhërmin për pushime për një kohë të gjatë.
“KUJDES! Dhërmia nuk është vend ku duhet te ndiheni te sigurte andaj sigurohuni ti keni mbyllur dritaret e Hotelit/Vilës apo Apartment ku ju jeni apo keni vendosur te qëndroni. Unë dhe familja ime përjetuam tmerrin me hajnat ne dhome ne orën 4:00 te mëngjesit. Me gjithë dëshirën e madhe për ti kaluar pushimet ne Jug, pas traumës se përjetuar për një periudhe shume te gjate kjo nuk do te jete me opcion”, ka shkruar Bekim Isufi në Facebook.
