Presidenti i sapo zgjedhur i ShBA-së, Donald Trump, këtë javë do të udhëtoj drejt Evropës.
Ai do të marrë pjesë në festën e rihapjes së katedrales “Notre Dame” në Paris.
Ky do të jetë udhëtimi i tij i parë jashtë vendit që nga fitorja e zgjedhjeve, raporton The Guardian, transmeton Gazeta Enigma.
Katedralja historike do të rihapet të shtunën pas më shumë se pesë vjetësh rindërtimi, si pasojë e një zjarri shkatërrues në vitin 2019, që përfshiu dhe pothuajse shkatërroi monumentin e Parisit.
E këto ceremonitë që do të mbahen gjatë këtij vikendi do të zhvillohen nën masa të sigurisë së lartë, ku pritet të marrin pjesë rreth 50 krerë shtetesh dhe qeverish.
Trumpi njoftoi se ai do të jetë mes tyre, në një postim në faqen e tij “Truth Social” të hënën në mbrëmje.
“Është nder të njoftoj se do të udhëtoj në Paris, Francë, të shtunën për të marrë pjesë në rihapjen e Katedrales së mrekullueshme dhe historike ‘Notre Dame’, e cila është restauruar plotësisht pas një zjarri shkatërrues pesë vjet më parë”, ka shkruar ai. /Gazeta Enigma
