Sot është ditë zie në familjen e ish-kandidatit për kryetar të Pejës nga PDK, Astrit Ademaj, pasi ai u vra më 8 shtator të këtij viti, për motive akoma të panjohura, raporton Gazeta “Enigma”.
Pas vrasjes së tij PDK ka vendosur të mos e kandidojë asnjë kandidat për komunën e Pejës, në këto zgjedhje lokale.
Teksa qendrat e votimit janë hapur që nga ora shtatë e mëngjesit, familja Ademaj ka ftuar qytetarët që në orën 12:00 të vendosin lule të varri i Astritit.
Kështu ka njoftuar vëllai i Astritit me anë të një postimi në Facebook.
Familja e Astrit Ademaj, ish-kandidatit për kryetar të Pejës nga PDK, ka deklaruar se vrasja e tij ndodhi për motive politike. Mirëpo prokuroria akoma nuk ka thënë asgjë mbi motivet./Gazeta Enigma.
