Kombëtarja e Danimarkës ka fituar me rezultat të thellë 4-0 ndaj Uellsit në ndeshjen e vlefshme për fazën e 1/8-tës në Euro 2020.
“Vikingët” janë kombëtarja e parë që sigurojnë kualifikimin në çerekfinale të Euro 2020, pasi mposhten britanikët në ndeshjen e zhvilluar në Johan Cruijff Arena të Amsterdamit.
Golat në këtë fitore të thellë të Danimarkës u shënuan nga Kasper Dolberg (27’,48’), Joakim Maehle (88′) dhe Martin Braithwaite (90+).
Lojtari më i vlerësuar i ndeshjes ishte pikërisht sulmuesi Dolberg, i cili u vlerësua me notë 8.5.
Në anën tjetër, nota më e ulët e takimit shkoi për mbrojtësin Neco Williams që u notua me 5.5.
