Emiliano Martinez, Cristian Romero, Giovani Lo Celso dhe Emiliano Buendia, po kalojnë nëpër një periudhë të vështirë, pas pezullimit të ndeshjes kualifikuese për Kampionatin Botëror, ndërmjet Brazilit dhe Argjentinës.
Të dielën ishte shkaktuar kaos, kur autoritetet braziliane e ndërprenë sfidën ndërmjet dy rivalëve jugamerikane për depërtimin e katër futbollistëve të përmendur, të cilët luajnë në Ligën Premier – me dyshimin se i kanë falsifikuar format e tyre të hyrjes për të shmangur karantinën dyjavore.
Dyshja e Aston Villas, Martinez dhe Buendia, kanë shkuar drejt Madridit, nga ku do të udhëtojnë për në Kroaci, ku do të qëndrojnë në vetizolim 10 ditor. Po të ktheheshin direkt në Angli, ata do të detyroheshin që t’i kalonin 14 ditë në karantinë duke munguar në dy ndeshje të Aston Villas.
Surreal: Brazil v Argentina stopped inside 7 mins by Brazilian Federal Police walking on field to detain 4 Argentinian Premier League players who failed to disclose they are based in Britain, breaking COVID protocols upon entering Brazil. Chaos ensued ???????????????? pic.twitter.com/ANG5L61SaK— roger bennett (@rogbennett) September 5, 2021
Megjithatë, duke udhëtuar në Split të Kroacisë, ata do ta kenë mundësinë të stërviten në kushte të mira dhe do të mungojnë vetëm në ndeshjen kundër Chelseat.
Në anën tjetër, dyshja e Tottenham Hotspur, Lo Celso dhe Romero, janë akoma në Buenos Aires, në kampin stërvitor të Argjentinës, ku kishin arritur në orët e hershme të mëngjesit nga Sao Paulo. As ata nuk pritet të luajnë ndaj Bolivisë, por do ta ndjekin të njëjtin skenar sikurse dy lojtarët e Aston Villas. Në anën tjetër, Spursat pritet t’i sanksionojnë për shkak të udhëtimit drejt Amerikës Jugore pa lejen e klubit përkundër paralajmërimeve nga qeveria britanike
“Të katër (që luajnë) në Angli i morën përsipër pasojat. E bëmë për dashurinë ndaj fanellës së Argjentinës. Ajo që ndodhi ishte e dhimbshme. Do të fitojmë në Brazil”.
“Kur autoritetet e ndërprenë (ndeshjen), nuk kuptuam asgjë. E gjitha ishte për arsye politike. Bota priste një ndeshje të shkëlqyer, jo këtë spektakël”, ishte shprehur Martinez me rastin e largimit nga Buenos Airesi.
❗The game between Argentina and Brazil is suspended, the Argentinian players are back in the locker.
How it started…#BRAARGpic.twitter.com/EgA1RkOEnY— B/R Goal (@br_goal) September 5, 2021
