Shefi i grupit parlamentar të Partisë Demokratike të Kosovës, Abelard Tahiri ka bërë të ditur se në mbledhjen e kryesisë së kuvendit është caktuar që seanca e radhës të mbahet të enjten.
Po ashtu është vendosur edhe për agjendën e kësaj seance.
Ndër të tjera Tahiri u pyet për vendimin e Bankës Qendrore të Kosovës për heqjen e valutës së dinarit.
Ai tha se nuk duhet fokusohet vetëm te dinari, por te një koordinim më të mirë me Shtetet e Bashkuara të Amerikës, pasi që sipas Tahirit me ardhjen e qeverisë së tanishme në pushtet është prishur ajo qasje.
“Nuk mund të kufizohemi thjeshtë në çështjen e dinarit në këtë rast, mendoj se duhet parë një fotografi më e plotë, sepse për herë të parë me këtë qeveri ka ndryshuar edhe qasja e koordinimit me aleatët tanë pra me Shtetet e Bashkuara të Amerikës. Ne edhe shtrirjen e sovranitetit në veri edhe integrimin e institucioneve, edhe mbajtjen e zgjedhje të rregullta, edhe zgjidhjen e kryetarëve të komunave legjitim nga qytetarët serb që ka ndodhur për herë të parë në 2017 e kemi bërë pikërisht në koordinim të ngushtë me Shtetet e Bashkuara të Amerikës. Ajo që mendoj që duhej të ndodhte është thjeshtë një koordinim dhe një angazhim më i mirë me Shtetet e Bashkuara të Amerikës në këtë proces”, tha Tahiri.
