Policia e Kosovës ka njoftuar sot se në Viti e ka gjobitur me 300 euro një person dhe i ka vendosur tri pikë negative për tejkalim të shpejtësisë.
Shoferi në fjalë e kishte fotografuar matësin e shpejtësisë dhe foton e kishte postuar në rrjetin social “Tik-Tok” ku shihet se ka tejkaluar shpejtësinë në zonë.
Në njoftimin e lëshuar thuhet se shoferi ishte duke vozitur 140 kilometra në orë në zonën ku shpejtësia e lejuar ishte 80.
“Me këto veprim ai ka rrezikuar pjesëmarrësit e tjerë në komunikacion dhe kanë rënë ndeshë me rregullat e komunikacionit rrugor. Ndaj kundërvajtësit është shqiptuar gjobë prej 300 euro, tri pikë negative dhe masën mbrojtëse në afat prej tre muaj”, thuhet në njoftimin e policisë. / Gazeta Enigma.
