Partnerja e Roan Brahimit, i cili u vra me armë zjarri në Athinë ditë më parë, tha se nuk kishte dijeni se tashmë i vrari do të vinte qytetin grek pasi që nuk i kishte treguar asgjë.
“Nuk dija asgjë, nuk më kishte thënë gjë. Erdhi të Shtunën e Madhe për Pashkë”- deklaroi për Newsit.gr partnerja e Brahimit e cila mbeti e plagosur lehtë nga atentati.
Ajo tha se nuk i kujtohet se si ndodhi, ndërsa fëmija i tyre i kishte parë të gjitha.
“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”- shtoi ajo.
Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarje ka mbërritur gjyshja e fëmijës e cila e ka larguar prej andej, shkruan Top Channel.
