Kombëtarja e Kosovës do të luajë ndaj Komorosit dhe Gambisë në muajin qershor, kjo konfirmohet nga FFK’ja.
Federata e Futbollit të Kosovës ka konfirmuar para pak çastesh se ndeshja ndaj Komorosit dhe Gambisë do të luhet në Antalia, e që do të përbëhet kryesisht nga lojtarë të Superligës së Kosovës.
Ja njoftimi:
“KE diskutoi edhe për ndeshjet miqësore të Kombëtares A dhe FFK-ja ka arritur pajtueshmëri që më 1 qershor në stadiumin “Fadil Vokrri” ta zhvillojë një ndeshje me Kombëtaren e San Marinos, ndërsa më 4 qershor me Kombëtaren e Kazakistanit, po ashtu në kryeqytet. Ndërkaq, më 5 qershor Kombëtarja A e përbërë kryesisht me futbollistë të Superligës udhëton në Antalia për një kamp disa ditorë dhe në program do të ketë zhvillimin e dy ndeshjeve miqësore me Kombëtaren Komorosit dhe të Gambisë.
KE shqyrtoi edhe Ankesat dhe Parashtresat drejtuar këtij organi”, shkruan FFK ne faqe zyrtare.
