Ministri i Punëve të Jashtme të Greqisë, Nikos Dendias, është takuar me të dërguarin e posaçëm të Bashkimit Evropian për dialog, Miroslav Lajçak.
Temë diskutimi e këtij takimi ishte dialogu Kosovë-Serbi, me çrast ministri Dendias rikonfirmoi mbështetjen e Greqisë për të arritur përparim në marrëdhniet në mes dy vendeve.
“Gjatë një takimi në margjinat e Bashkimit Evropian dhe Këshillit të Punëve të Jashtme diskutova me emisarin Mirosal Lajcak gjendjen aktuale dhe rrugën përpara në dialogun Prishtinë-Beograd dhe përsërita mbështetjen e vendosur të Greqisë për përpjekjet e tij për të arritur përparim në marrëdhëniet mes dy vendeve”, ka shkruar Dendias në Tëitter.
Në anën tjetër diplomati slloven ka falënderuar ministrin Dendias dhe shtetin e Greqisë për udhëheqjen e tyre, interesin dhe mbështetjen për punën dhe angazhimin e BE-së në rajon. /Gazeta Enigma/.
