E bija e pronarit të Chelseat, Roman Abramovich, Sofia, ka bërë një deklaratë të papritur për presidentin rus, Vladimir Putin, duke i’u bashkuar një grupi të madh rusësh që po e kritikojnë pushtimin e Ukrainës.
Ajo thotë se Rusia nuk e do luftën me Ukrainën, por presidenti i saj, shkruan “Gazeta Enigma”. Fillimisht, ajo e bëri një postim në rrjetet sociale, duke shkruar: “Rusia e dëshiron luftën në Ukrainë”. Por, më pas e fshiu atë duke e përmirësuar dhe duke e bërë një tjetër: “Putin e dëshiron një luftë në Ukrainë”.
“Gënjeshtra më e madhe e suksesit më të madh të propagandës së Kremlinit është se pjesa më e madhe e rusëve është me Putinin”, ka shtuar ajo.
Një mesazh i rëndësishëm ky i vajzës së miliarderit rus pas kërkesës së deputetit laburist, Chris Bryant që t’ia heq Abramovichit të drejtën për ta mbajtur pronësinë e klubit anglez.
Madje, atij i është ndaluar edhe hyrja dhe jetesa në Britaninë e Madhe pasi akuzohet si i afërt dhe ndihmues në rritjen dhe ndikimin e presidentit Putin në botë. /GazetaEnigma/
