Andriy Voronin është larguar menjëherë nga Moska me familje e ti, ku shteti Rus sulmoi dhe bombardoi vendin e tij të lindjes, Ukrianën.
42-vjeçari shërbente si ndihmës trajner në Dynamo Moskë përpara se Vladimir Putin të pushtonte vendlindjen e tij Ukrainën, por tani ai thotë se “nuk mund të punojë më në vendin që po bombardon atdheun tim”.
Në një intervistë emocionale me gazetën gjermane Bild mes lotësh, Voronin konfirmoi largimin nga klubi rus.
“Ne dolëm nga Moska para se të bllokohej plotësisht. Nuk mundëm të aeteronim në Dusseldorf, kështu që fluturuam përmes Amsterdamit. Babai im, vjehrra, gruaja dhe fëmijët janë këtu tani”, ka deklaruar fillimisht ai.
“Kam katër ditë që nuk jam mirë. Shume keq. Kur shoh të gjitha fotot nga vendlindja, kur shoh lajmet. E gjitha është si një film. Por një film horror. Nuk më kanë mbetur shumë fjalë”
“Unë nuk shoh asnjë mundësi për të qëndruar në një vend, ushtria e të cilit shkatërron qytetet tona dhe qëllon kundër civilëve”, thuhet më tej në reagimin e Voronin.
Të martën në mëngjes, Dinamo e Moskës konfirmoi largimin e Voronin, me klubin duke postuar në Twitter se kontrata e tij ishte ndërprerë me pëlqim reciprok.
