Përfaqësuesi Special i BE-së për dialogun Beograd-Prishtinë, Miroslav Lajçak, ka mbështetur sot qëndrimin e kreut të komisionit të punëve të jashtme të Bundestagut gjerman se Brukseli duhet të fillojë bisedimet për anëtarësim me Shqipërinë dhe Maqedoninë e Veriut, si dhe të vendosë liberalizimin e vizave për Kosovën.
“Jam plotësisht dakord me vlerësimin tuaj”, tha Lajçak në Twitter, duke iu përgjigjur Michael Roth, i cili më parë shkroi se BE-ja duhet “të mbajë premtimet e saj: të fillojë negociatat e anëtarësimit me Shqipërinë, Maqedoninë e Veriut, liberalizimin e vizave për Kosovën”./Gazeta Enigma/
