Sulmuesi i krahut, Angel Di Maria sipas të gjitha gjasave karrierën do ta vazhdojë në Itali.
“Football Italia” ka njoftuar se Di Maria tashmë ka nisur negociatat me Juventusin, ekip që ka shprehur interesim për transferimin e tij. 34-vjeçari në fund të këtij edicioni do të largohet nga Paris Saint-Germaini si lojtar i lirë, situatë të cilën Juventusi po synon ta shfrytëzojë.
Mësohet se Juventusi tashmë i ka ofruar Di Marias kontratë njëvjeçare me opsionin e vazhdimit edhe për një vit tjetër. Di Maria te Juventusi po shihet si zëvendësim për Paulo Dybalan, që do të largohet në verë pasi i skadon kontratë.
Di Maria është pjesë e PSG-së prej vitit 2015, kurse këtë edicion ka tre gola e shtatë asistime në 26 paraqitje në të gjitha garat.
