Fahrije Hoti, themeluese e Kooperativës Bujqësore ‘Krushë’ ka fituar titullin ”Evropiania e Vitit 2022”, raporton Gazeta “Enigma”.
Kjo u bë e mundur, pasi që në faqen zyrtare të Zyrës së BE-së në Kosovë, ishin publikuar emrat e disa figurave të nominuar për këtë pozitë, përfshirë këtu edhe emrin e Hotit.
Qytetarët kosovar mund të votonin duke ‘pëlqyer’ foton e personit që ishte nominuar.
Kështu duke u bazuar në numrin e pëlqimeve, Fahrije Hoti del të jetë më e votuara.
Zyra e Bashkimit Evropian në Kosovë pati bërë të ditur emrat që janë të nominuar si “Evropiani i Vitit 2022”, ku ndër to ishte dhe Fahrije Hoti. Ndërkaq ajo del të ketë fituar këtë emërtim.
“Fahrije është shembulli më i mirë se si të shndërrohet një përvojë e dhimbshme në guxim dhe qëndrueshmëri. Pas luftës, e cila mori burrin e saj së bashku me 243 burra dhe djem nga fshati i saj, ajo dhe të gjitha gratë e tjera të Krushës u përballën me probleme të mëdha për rritjen e fëmijëve pa të ardhura. Sot Fahrije krenohet me Kooperativa ‘Krusha’, një kompani që punëson 50 gra, e cila prodhon një shumëllojshmëri turshish dhe ajvaresh. Historia e saj frymëzuese e bëri atë personazhin kryesor të filmit të nominuar për Oscar, Zgjoi”, thuhet në njoftimin e BE-së.
Zyra e Bashkimit Evropian në Kosovë pati bërë thirrje që të votohet një individ apo instuticion që ka kontribuar më së shumti në promovimin e vlerave evropiane në Kosovë gjatë vitit të fundit, andaj dhe Fahrije Hoti është votuar më së shumti për këtë emërtim. / Gazeta Enigma.
