Presidenti i Serbisë Aleksandar Vuçiq, momentalisht gjendet në Davos, ku nesër do të jetë pjesë në Forumin Botëror të Ekonomisë, shkruan GazetaEnigma.
Vuçiq është ankuar për dhe situata të rënda për Serbinë, duke thënë se disa po mundohen që situatën ta bëjnë edhe më të vështirë për shtetin e tij.
Ai gjithashtu la folur edhe për dialogun me Kosovën dhe kryeministrin Kurti.
“Si do të duket? Kurti duke thënë fjalë të tmerrshme për Serbinë, po ju tregoj që tani. E kam dëgjuar 500 herë tashmë – ai do të thotë që ky Putini i vogël do të shkaktojë luftëra në Ballkan me urdhrat e Putinit të madh. Kjo është retorika e tij”, ka thënë Vuçiq.
Ndërkohë që Vuçiq është ankuar për përkrahjen e madhe që po i jepet Ukrainës.
“Shumë mendime mund të dëgjohen në Davos, vetëm për Ukrainën diskutohet. Jetojmë në një botë ku dominon histeria dhe jo arsyeja. Ne kemi marrë pozicion të qartë, duke dënuar sulmin nda Ukrainës, por mendimet e disave s’mund t’i ndryshosh dhe s’mund të përçosh ndonjë mesazh racional”, ka thënë Vuçiq. / GazetaEnigma
