Operacioni “Supergrass” është më i madhi që ka ndërmarrë ndonjëherë Britania e Madhe për të arrestuar bandat kriminale ballkanike.
Forcat policore nga Veri-Lindja e Anglisë ndërtuan një rast që përfshinte rrëmbime banda dhe kokainë braziliane.
“Rrëmbimi”, një bandë ballkanike e krimit të organizuar dhe kokainës së transportuar nga Brazili, paraqet historinë e pabesueshme sesi policia rrëzoi një organizim ndërkombëtar droge.
Provat për këtë çështje u paraqitën në gjashtë gjyqe të krimit të organizuar dhe panë 29 personat të burgosur për 250 vite.
Si u zbulua banda?
Ish-shpërndarësi i drogës, i cili u torturua pasi vodhi kokainë nga një baron droge, bëri një marrëveshje me policinë dhe prokurorët se familja e tij do të marrë strehim të sigurt, një identitet të ri.
Ai raportoi për 23 vepra penale përfshirë tregtinë e drogës, zjarrvëniet dhe vjedhjet.
Sipas së përditshmes “The Mirros” kriminelët, për të cilët ai raportoi, humbën miliona euro.
Dëshmitari kaloi 40 ditë në paraburgim dhe ishte në shënjestër të bandave gjatë gjithë kohës.
Detektivët e Policisë u përfshinë në hetimin, ku një juri dënoi tre anëtarë të bandës pas një shpërthimi me eksploziv.
Forcat e armatosura ishin të gjitha në gatishmëri për të mbrojtur ndërtesën dhe dëshmitarin gjatë gjykimit.
Si dështoi plani i tyre?
Shitësit Anthony Sweeney, Benjamin Cahill, Yvan Nikolic dhe David Gloyne u burgosën.
Puna e detektivëve filloi në janar të 2016-ës në përgjigje të përshkallëzimit të dhunës në Wearside, pasi një anije e mbushur me kokainë të pastër, me vlerë rreth 2 milionë paund, u pikas nga policia.
Tregtarët, përfshirë Sweeney dhe Cahill, duhej të merrnin ngarkesën prej 50 kilogramësh, e cila ishte rregulluar për ta nga Gloyne.
Ky i fundit shërbeu si kreu i një grupi krimesh në Lindjen e Veriut dhe kishte orkestruar dërgesën me ndihmën e të akuzuarit të tij, Yvan Nikoliç.
Dyshja ishte takuar në Spanjë dhe Nikoliç, i cili ka lindur në Jugosllavi, por tani ka dy shtetësi franceze dhe malazeze, përdori statusin e tij si një anëtar i shquar i një grupi të organizuar kriminal të Ballkanit për të transportuar drogën nga Brazili.
Sidoqoftë, plani shkoi keq kur ekuipazhi i Gloyne u pa nga stafi i sigurisë para se të kishin një shans për të rimarrë ngarkesën e tyre.
Kokaina u kap dhe me grupin që kishte shumë nevojë për para, tensionet filluan të rriteshin.
Gjërat arritën pikën e kulmit kur Cahill ishte përfshirë në një plan për të vjedhur 27 kg kokainë që ai e dinte se ishte ruajtur në një lokal në zonën Sunniside të Gateshead.
Kur vjedhja u zbulua në shtator të 2015-ës, Gloyne dhe zëvendësi i tij i besuar Sweeney u nisën për të ndjekur personat përgjegjës.
Dënimet
Pas punës së policisë në të gjithë Veri-Lindjen, Sweeney, i cili ishte larguar nga Mbretëria e Bashkuar, u kap në Spanjë dhe u arrestua në tetor të 2019-ës.
Disa javë më vonë, Nikoliç u kap në Athinë duke u përpjekur të arratisej në një aeroplan për në Ukrainë.
Të dy burrat u kthyen në Mbretërinë e Bashkuar për t’u përballur me drejtësinë, nën autoritetin e Urdhërave të Arrestimit Evropian.
Anthony Sweeney, 34 vjeç, pranoi se kishte komplotuar për të furnizuar me drogë, rrëmbim, burgim të rremë. Ai u dënua me 10 vite burg.
Yvan Nikoliç, 56 vjeç, u dënua për komplot për të furnizuar me drogë të klasit A dhe u dënua me 21 vite pas hekurave.
David Gloyne, 37 vjeç, u dënua për komplot për furnizim me drogë të klasit A, rrëmbim dhe burgim të rremë dhe gjithashtu u dënua me 21 vite burg
