Sport Club “Gjilani” pritet që të bëjë goditjen e parë në këtë afat kalimtar të verës.
Gazeta Enigma mëson ekskluzivisht se klubi gjilanas ka arritur marrëveshje dy vjeçare me qendërmbrojtësin, Besart Krivanjeva, i cili pritet të prezantohet gjatë ditës së nesërme.
Futbollisti nga Shkupi së fundmi është paraqitur tek skuadra e Egnatias, ku trajner ishte Zekirija Ramadani dhe kishte kontratë edhe për një sezon, por që me marrëveshje arriti ta shkëpus.
Mësohet se 26-vjeçari ka pasur oferta të shumta, por që në fund pranoi të luaj nën urdhëratë e Ramadanit.
Krivanjeva përveç Egnatias, ka luajtur edhe për Shkupin dhe Metalurg Skopje. Gjithashtu mbrojtësi është paraqit edhe për Përfaqësuesen e Maqedonisë U21.
Redaksia e Enigmës mëson se “kuqebardhët” pritet që gjatë ditëve në vazhdim të prezantojnë edhe prurjet tjera.
/GAZETA ENIGMA/
