Presidentja e Kosovës Vjosa Osmani ka dënuar sulmin e fundit rus në Kremenchuk të Ukrainës.
Ajo në një postim në Twitter ka shkruar se sulmi i fundit i presidentit rus Vladimir Putin mbi një mijë civilë të pafajshëm në Kremenchuk është i egër dhe thellësisht çnjerëzor.
“Ky është një akt terrori dhe një vazhdimësi e krimeve sistematike të luftës kundër civilëve. Zemrat tona janë për popullin e Ukrainës. Ne do të qëndrojmë gjithmonë me ta”, ka shkruar Osmani.
Ndryshe, Rusia ka goditur sot një qendër tregtare në Kremenchuk të Ukrainës.
Është konfirmuar se të paktën dy persona u vranë dhe 20 u plagosën në sulm, sipas autoriteteve ukrainase.
Presidenti ukrainas Volodymyr Zelensky shkroi në Telegram se kishte më shumë se 1000 njerëz në qendrën tregtare në kohën e sulmit.
Putin’s latest attack on a thousand innocent civilians in Kremenchuk is outrageous and profoundly inhumane.
This is an act of terror and a continuation of systematic war crimes against civilians.
Our hearts go out to the people of Ukraine. We will always stand with them.— Vjosa Osmani (@VjosaOsmaniPRKS) June 27, 2022
