Kryeministri i Kosovës, Albin Kurti, në një intervistë për Bloomberg, ka bërë të ditur se nuk do të pranojnë shtyrje tjetër të vendimit për vendosjen e reciprocitetit me Serbinë për targat dhe dokumentet për hyrje-dalje.
Në një intervistë për Bloomberg, kreu i qeverisë tha se 1 shtatori pret që “të jetë një ditë e qetë dhe e zakonshme”.
Ai tha se “nëse situata përshkallëzohet në dhunë, policia dhe forcat paqëruajtëse të KFOR-it prej 3 mijë e 800 trupash të NATO-s do t’i japin fund”, tha ai.
Kujtojmë se në lidhje me raportimet se Perëndimi i ka kërkuar Qeverisë së Kosovës që reciprociteti të shtyhet edhe për 3 muaj ka reaguar edhe Lajçak, i cili tha se “ka shumë spekulime, nuk di asgjë për këtë”.
