Në vendin tonë kanë arritur mbi tri mijë doza të vaksinës Pfizer nga Bashkimi Evropian. Kurse, Ministria e Shëndetësisë, ka njoftuar se të mërkurën do të arrijnë edhe 38,400 doza të vaksinës AstraZeneca në kuadër të aleancës COVAX.
Përndryshe, javën e kaluar Kosova ka marrë 4,680 doza të vaksinës Pfizer me të cilat po vaksinohen punonjësit shëndetësorë. Ndërsa, përmes programit COVAX, Kosova në muajin mars ka marrë 24 mijë vaksina AstraZeneca.
