Drita – Gjilani: Konfirmohet lajmi i Enigmës, derbi i zjarrtë luhet pa tifozë

Drita – Gjilani: Konfirmohet lajmi i Enigmës, derbi i zjarrtë luhet pa tifozë

Derbi ndërmjet Drita dhe Gjilanit do të zhvillohet pa praninë e tifozerive. Kështu ka njoftuar klubi nikoqir, Drita nëpërmjet faqes zyrtare.

Gazeta Enigma kishte raportuar ekskluzivisht ditën e djeshme se kjo ndeshje do luhet pa prezencën e tifozëve.

Drita ka njoftuar se ky vendim është marrë nga Policia e Kosovës për shkak të mundësisë së incidenteve në stadiumin me bari sintetik në Gjilan.

NJOFTIMI I PLOTË: (Pa ndërhyrje)

Njoftojmë të gjithë sportdashësit, veçanërisht tifozët tanë “Intelektualët” se me vendim të prerë nga Stacion Policor në Gjilan jemi urdhëruar që ndeshja derbi FC DRITA – SC Gjilani të zhvillohet pa asnjë pjesëmarrës në tribina.

Klubi ynë ka bërë përpjekje që ndeshja të zhvillohet të paktën me prezencë të fëmijëve të shkollës sonë të futbollit, sepse kemi konsideruar që ata nuk përbëjnë rrezik për ndonjë incident dhe pjesëmarrja e tyre vetëm sa do t’ia shtonte bukurinë derbit.

Por, kërkesa jonë nuk është aprovuar me arsyetimin e policisë se për shkak të infrastrukturës jo të përshtatshme dhe sigurisë në stadiumin ndihmës ndeshja duhet të zhvillohet pa tifozë.

Policia kërkoi mirëkuptimin e qytetarëve, ndërsa ne si klub shprehim keqardhje për mungesën e tifozëve dhe kërkojmë poashtu mirëkuptimin tuaj.

FC DRITA do ta ketë parasysh se nëse në derbin e radhës nuk merret ndonjë iniciativë për t’i rikthyer tifozët në stadium, klubi ynë do ta konsiderojë seriozisht ndërrimin e stadiumit vetëm e vetëm që tifozët të jenë pranë klubit tonë.

Ndeshja derbi ???????? ???????????????????? – ???????? ???????????????????????????? zhvillohet të mërkurën, o???????? ????????:???????? në Stadiumin Ndihmës (te rrethi).

Related Articles