Samiti i radhës i Procesit të Berlinit që do të mbahet më 3 nëntor në Berlin, për herë të parë nën udhëheqjen e kancelarit të ri gjerman, Olaf Scholz.
Ai dhe liderët e gjashtë shteteve të Ballkanit Perëndimor pritet të diskutojnë për tregun e përbashkët rajonal dhe operacionalizimin e tij.
Në këtë samit sigurisht që do të jenë edhe kryeministri i Kosovës, Albin Kurti dhe përfaqësues të lartë të shtetit serb, këtë rast presidenti Aleksandër Vuçiq.
Gazeta Blic nga burime diplomatike ka kuptuar se në këtë takim pritet të nënshkruhen disa marrëveshje, në kuadër të Samtit të vendeve të Ballkanit Perëndimor në Procesin e Berlinit.
Me 3 nëntor në këtë takim do të nënshkruhen 4 marrëveshje:
1. Marrëveshja për lëvizje me Karta të Identitetit në vendet e Ballkanit Perëndimor;
2. Marrëveshja për njohje të diplomave;
3. Marrëveshja për njohjen e kualifikimeve;
4. Marrëveshja për lirinë e lëvizjes për personat e vendeve të treta me leje qëndrim në njërin nga vendet e Ballkanit Perëndimor.
