Ballkani do ta zhvillojë sonte ndeshjen vendimtare në këtë kampanjë historike në Ligën e Konferencës.
Skuadra e Ilir Dajës do të përballet me Slavia Pragën në stadiumin “Fadil Vokrri” në Prishtinë sot (e enjte).
Ndeshja në fjalë i takon fazës së grupeve në Ligën e Konferencës.
Ballkani hyn në këtë ndeshje pas humbjes së hidhur 1:2 nga Sivasspori më 13 tetor në këtë grup dhe barazimit 1:1 me Dukagjinin e Klinës në fundjavë.
Në sheshin e Prishtinës shihen edhe shumë tifozë çek të Slavias.
Në një moment ndodhi një incident i vogël, ku disa të rinjë tentuan t’ua merrnin rekuizitat çekëve.
