Komisioni i Pavarur i Mediave i ka shtuar aktivitetet monitoruese ndaj mediave pas kërkesës së deputetës së Lidhjes Demokratike të Kosovës Doarsa Kica-Xhelili.
Kica-Xhelili pati kërkuar nga KPM-ja intensifikimin e monitorimit të mediave kundër dezinformimit.
“Institucioneve tona duhet t’ia shfaqim respektin po aq sa kritikat, kur dhe ku duhet, dhe t’ia respektojmë pavarësinë që insistojmë ta kenë. Në rastin konkret, mirëpres këtë gatishmëri për reagim! Pres që publiku të njoftohet për çdo dezinformatë që mund ta cënojë sigurinë dhe rendin publik”, tha ajo.
Ndërkaq Komisioni iu ka bërë thirrje mediave që të kenë kujdes me materialet e transmetuar dhe që ato të jenë në pajtim me kodin etik, në mënyrë që publiku të informohet drejt dhe saktë rreth situatës politike dhe të sigurisë.
“Sipas Kodit të Etikës për Ofruesit e Shërbimeve Mediale Audiovizuele 2016/03, OSHMA-të janë të obliguara që gjatë raportimit të kenë kujdes që materialet e transmetuara të janë në pajtim me kodin etik, në mënyrë që publiku të informohet drejt dhe saktë rreth situatës politike dhe të sigurisë në Republikën e Kosovë”, thuhet në reagimin e KPM-së.
