Argjentina e ka nisur shumë keq Kampionatin Botëror “Katar 2022” duke humbje nga Arabia Saudite dhe ky është një sinjal shumë i keq për Argjentinën e Lionel Messit.
Sauditët triumfuan me përmbysje me rezultat 2:1, në një sfidë e cila u duk se do të jetë shumë e lehtë për Argjentinën.
Messi shënoi gol pas vetëm 8 minutave lojë nga penalltia, por në pjesën e dytë arabët shënuan dy gola për të arritur triumfin e madh.
Në grup me Argjentinën janë edhe Polonia e Meksiko, kështu që kjo humbje nga autsajderi ka sjellë telashe shumë të mëdha për argjentinasit në vazhdim.
