Presidentja e vendit, Vjosa Osmani, e ka pritur në takim zëvendës Ndihmës Sekretarin e Shtetit të ShBA-së, njëherësh të dërguarin amerikan për Ballkanin Perëndimor, Gabriel Escobar.
Takimi është duke u mbajtur në kabinetin e presidentes.
Në këtë takim është i pranishëm edhe ambasadori i Shteteve të Bashkuara të Amerikës në Kosovë, Jeff Hovenier.
Pas këtij takimi, Gabriel Escobar do të takohet edhe me kryeministrin Albin Kurti duke filluar në orën 16:30.
Kujtojmë se këto vizita zhvillohen në një kohë kur veriu i Kosovës gjendet i tensionuar.
Grupet kriminale në katër komunat veriore me shumicë serbe kanë bllokuar rrugët duke vendosur barrikada dhe kanë ndërmarrë një mori aktivitetesh kundër autoriteteve të Kosovës dhe atyre ndërkombëtare.
