Si pasojë e përleshjes në Prishtinë, një person është plagosur, raporton Gazeta Enigma.
Flora Ahmeti, zëdhënëse e Policisë për rajonin e Prishtinës ka konfirmuar për Gazetën Enigma se sot rreth orës 16:00, në rrugën “Eqrem Çabej” në Prishtinë, ka ndodhur një përleshje fizike në mes të disa personave.
Policia njofton se bazuar në të dhënat fillestare, në këtë rast nga një mjet i mprehtë është plagosur një person.
Personi i plagosur është dërguar për trajtim mjekësor.
Hetuesit policor kanë nisur një hetim lidhur me rrethanat e këtij rasti. /Gazeta Enigma/
