Rrjeti i njohur social, Twitter thuhet se e ka pezulluar mundësinë e regjistrimit të përdoruesve të numrave të telefonit të operatorëve të Kosovës.
Kjo fillimisht është vënë re nga përdoruesit shqiptarë të Twitterit, të cilët kanë njoftuar se “Twitteri e ka hequr Kosovën si shtet dhe prefiksin e Kosovës +383”.
Twitter has removed #Kosovo as a state or at least Kosovo's prefix +383 @TwitterSupport @elonmusk pic.twitter.com/PsTAgAuRU6— Armend Krasniqi (@Armendi) December 19, 2022
Në një përpjekje për t’u regjistruar me prefiksin e Kosovës, Twitter nuk e pranoi numrin e Gazetës Express si të vlefshëm. Edhe numra të tjerë me prefiksin e Kosovës u refuzuan.
Kosova nuk gjendet as në listën e shteteve gjatë regjistrimit në opsionet për ta ndërruar numrin e telefonit në llogarinë e përdoruesve.
Pronari i Twitterit, miliarderi Elon Musk gjatë një debati virtual me këshilltarin e Presidencës ukrainase, Mykhailo Podolyak në tetor e pati dhënë një propozim për t’i dhënë fund luftës në Ukrainë. Ai sugjeronte që rajonet e aneksuara të Ukrainës nga Rusia të vendosnin vetë për fatin e tyre përmes votimit, nën mbikëqyrjen e OKB-së.
Are you trying to legitimize pseudo-referendums that took place at gunpoint under conditions of persecution, mass executions and torture? Bad path.— Михайло Подоляк (@Podolyak_M) October 3, 2022
