Presidentja Vjosa Osmani e kryeministri Albin Kurti janë duke marrë pjesë në Konferencën për Siguri që po mbahet në Mynih të Gjermanisë ku prezentë janë edhe shumë liderë botërorë .
Në takime të ndara, Osmani e Kurti takuan senatoren amerikane Jeanne Shaheen, me të cilët diskutuan për marrëdhëniet Kosovë-SHBA.
“Kënaqësi ta takoja Senatoren Shaheen në Konferencën e Sigurisë në Mynih. E falënderova për angazhimin dhe mbështetjen për Republikën e Kosovës. Vendosmëria jonë për të thelluar më tej partneritetin dhe bashkëpunimin tonë strategjik është bërë më e fortë”, ka shkruar Osmani në Twitter.
Pleasure to meet with @SenatorShaheen at the Munich Security Conference. Thanked her for her engagement and support for the Republic of Kosovo.
Our determination to further deepening our strategic partnership and cooperation has only grown stronger. ???????????????? pic.twitter.com/24piiqkyUr— Vjosa Osmani (@VjosaOsmaniPRKS) February 18, 2023
Pos Shaheen, Kurti u takua edhe me senatorin Chris Van Hollen. Ai tha se me senatorët foli për zhvillimin ekonomik të Kosovës dhe dialogun.
“Takimi i shkëlqyer me senatorët amerikanë Jeanne Shaheen dhe Chris Van Hollen, në të cilin rikonfirmuam lidhjen e fortë ndërmjet Kosovës dhe Shteteve të Bashkuara. Biseduam për progresin e Kosovës në sundimin e ligjit dhe rritjen ekonomike dhe dialogun për normalizimin e marrëdhënieve me Serbinë”, ka shkruar Kurti.
Great meeting with U.S. @SenatorShaheen and Sen. @ChrisVanHollen, in which we reaffirmed the strong bond between Kosova and the United States. We discussed Kosova’s progress on rule of law and economic growth and the dialogue for normalization of relations with Serbia. pic.twitter.com/tzQEj5BJH0— Albin Kurti (@albinkurti) February 18, 2023
