Një person me inicialet A.V i moshës 51-vjeçar është arrestuar në Podujevë.
I njëjti dyshohet për vjedhje të rëndë.
Policia e Kosovës ka njoftuar se rasti i vjedhjes ka ndodhur në fshatin Sfeqël të Podujevës, në muajin janar 2023.
“Arrestohet një person për vjedhje të rëndë Sot nga hetuesit e stacionit policor të Podujevës, është arrestuar një person, për të cilin ekziston dyshimi i arsyeshëm se është përfshirë në një rast të vjedhjes së rëndë. Rasti ka ndodhur në fshatin Sfeqël të Podujevës, në muajin janar 2023”.
“Puna e hetuesve policor ka rezultuar me identifikimin e dy personave të përfshirë në rast, si dhe arrestimin e njërit prej tyre. Personi i arrestuar, A.V, mashkull, 51 vjeç, pas përfundimit të procedurave të nevojshme policore, me vendim të prokurorit, është dërguar në qendrën e mbajtjes, ndërkohë që i dyshuari i dytë, është në kërkim policor”.
