Para takimit me Vuçiqin, kryeministri i vendit, Albin Kurti është takuar me emsarin e SHBA-ve për Ballkanin, Gabriel Escobar.
Këtë e ka bërë të ditur Qeveria e Kosovës e cila edhe ka dhënë detaje temat e biseduara.
“Krahas takimit të djeshëm në Prishtinë, sot në Ohër, në prag të takimit të radhës të nivelit të lartë në kuadër të dialogut për normalizimin e marrëdhënieve Kosovë–Serbi, Kryeministri i Republikës së Kosovës, Albin Kurti, takoi të Zëvendës ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar”, tha Qeveria.
Folën për takimin e sotëm, rëndësinë dhe pritjet nga ky takim.
“Kryeministri Kurti e falënderoi z. Escobar për mbështetjen vazhdueshme të tij dhe të ShBA-së në procesin e dialogut, duke theksuar këtu përkushtimin dhe qasjen konstruktive të Qeverisë së Republikës së Kosovës në këtë fundjavë dhe për gjatë gjithë procesit”, tha tutje zyra e kryeministrit.
