Presidenti amerikan, Joe Biden, ka urdhëruar agjencitë e inteligjencës të hetojnë shfaqjen e COVID-19, mes polemikave në rritje rreth origjinës së virusit.
Në një deklaratë, Biden u kërkoi grupeve të inteligjencës amerikane të “dyfishojnë përpjekjet e tyre” dhe t’i raportojnë atij brenda 90 ditësh.
Koronavirusi u zbulua për herë të parë në qytetin kinez të Ëuhan në fund të vitit 2019, raporton BBC, transmeton Gazeta Enigma.
Më shumë se 168 milionë raste janë konfirmuar në të gjithë botën dhe të paktën 3.5 milionë vdekje janë raportuar.
Autoritetet lidhën rastet e hershme me COVID-19 me një treg të prodhimeve të detit në Ëuhan dhe shkencëtarët besuan se virusi kaloi për herë të parë tek njerëzit nga kafshët.
Por raportet e fundit të mediave amerikane sugjerojnë rritje të provave që virusi mund të ketë dalë nga një laborator në Kinë.
Pekini ka dënuar raportet dhe sugjeroi se mund të kishte ardhur nga një laborator amerikan në vend./Gazeta Enigma/
