Dhuna në familje vazhdon të mbetet një nga damkat më të mëdha të shoqërisë kosovare. Çdo ditë në Polici raportohen raste të grave që përjetojnë dhunë në forma të ndryshme nga personat të cilët i kanë zgjedhur të ndajnë jetën me ta, por edhe nga anëtarët tjerë të familjes, raporton Gazeta Sinjali.
E të dyshuarit në shumë raste ikin nga duart e drejtësisë, duke shijuar kështu lirinë nga arratia.
Sinjali mëson se njësoj kishte vepruar edhe një 43-vjeçar, i cili dyshohet se ka kryer dhunë në familje. I njëjti mori rrugën që të udhëtojë jashtë Kosovës, mirëpo u ndalua në Aeroportin Ndërkombëtar të Prishtinës ‘Adem Jashari’.
Pas arrestimit, ai është shoqëruar në stacion policor ku është intervistuar lidhur me rastin.
Me urdhër të prokurorit, i dyshuari është dërguar në mbajtje dhe do të hetohet nën dyshimet për kryerjen e veprave penale ‘Dhunë në familje’ dhe ‘Kanosje’.
