Një person në Ferizaj i cili dyshohet se me 740 euro, të gjitha monedha dy euro të falsifikuara kishte blerë produkte ushqimore, është arrestuar nga Policia e Kosovës.
Rasti kishte ndodhur gjatë së dielës pasdite, teksa personi që dyshohet është një 41-vjeçar.
Ndërsa pas intervistimit të tij nga policët hetues, me vendim të prokurorit të rastit i njëjti është liruar në procedurë të rregullt hetimore , kurse monedhat në vlerë 740 euro, të gjitha monedha nga dy (2) euro janë konfiskuar, për procedura të mëtejme hetimore
“Me datën 07.05.2023 rreth 15:00 Policia Rajonale e Ferizajt ka pranuar një informacion se në rrugën magjistrale Ferizaj-Prishtinë tek një qendër tregtare në Ferizaj, një person i dyshuar aty kishte blerë produkte ushqimore në vlerë rreth 740 euro, të gjitha monedha nga dy (2) euro të dyshuara si të falsifikuara dhe ishte larguar”, thuhet në njoftim.
